Өвөлжилт хүндэрч байгаа сумдын малчдад сэтгэл санаа болоод эд материалын туслалцаа үзүүлэхээр Арвайхээр сумын ЗДТГ, “Залуусын элч” төрийн бус байгууллага хамтран “Малчдад тусалъя” хандивын аяныг энэ сарын 14, 18-нд зохион байгууллаа. Дөрвөн өдөр зохион байгуулсан энэхүү аянд аймгийн захад үйл ажиллагаа явуулдаг 10 гаруй аж ахуйн нэгжээс хоёр сая 200 мянган төгрөгийн өвс, тэжээл, нэмнээ, лаа чүдэнз, мөнгөн хандив цугласан байна. Байгалийн бэрхшээлтай тулгараад байгаа малчин түмэндээ туслах хандивын эхэнд Арвайхээр сумын ЗДТГ 300 мянга, “Андууд” худалдааны төвийн н.Ойдов захиралтай компани 200 мянган төгрөг хандивласан бол хувиараа бизнес эрхлэгчид малын нэмнээ хандивлажээ.
“Залуусын элч” төрийн бус байгуулага нь тусламжийг аймгийн Онцгой байдлын газарт хүлээлгэн өглөө. Малчдад өгөх тусламжийг нэн шаардлагатай сумдын малчдад өгөхөө аймгийн Онцгой комиссынхон хэллээ. Ийнхүү энэ жилийн цас зудын хүндрэлийг даван туулахад хүн болгоны хүч хэрэгтэйг дээрхи төрийн бус байгууллагынхан хандив цуглуулснаараа харууллаа.
