Бүх Хятадын Ардын Төлөөлөгчдийн Их Хур­лын Байнгын хорооны дарга ноён У Бангуо өнөө­дөр өглөө манай улсад ирнэ. Түүний айлчлалын талаар манайхаас гадна Хятад болон дэлхийн хэв­лэлүүд мэдээлж байгаа билээ. Учир нь ноён У Бангуогийн айчлалаар Тавантолгойн асуудлыг хөндөнө хэмээн таамаг­лаж байгаа юм. Хятадын “Чалко” компани манай Засгийн газартай Таван­толгойгоос нүүрс нийлүү­лэх тухай урт хугацааны гэрээг өнгөрсөн онд бай­гуулсан юм.

Гэрээ ашиг­гүй учир цуцлах шаард­лагатай хэмээн Ерөнхий сайд Н.Алтанхуяг мэдэгд­сэн. “Чалко”-д төлөх 180 сая ам.долларыг төлж ба­раг­­дуулаад мөн 50 сая ам.дол­­лар нэмж төлөн гэ­рээг цуцлахаа мэдэгд­сэн. Гэвч гэрээг өөрчилвөл шүү­хэд хандахаа “Чал­ко”-ийн зүгээс мэдэгдсэн бай­на. Ноён У Бангуогийн айлч­лалыг угтаж манай ул­сад суугаа Хятадын Эл­чин сайд ч гэрээний та­лаар мэдэгдэл хийсэн нь асуу­дал үүсгэсэн юм.

У Бангуо ямар мэ­дээ­тэй ирэхийг олон улсын хэв­лэлийнхэн чих тавин хү­лээж байгаа юм. Айлч­лал хоёр хоног үр­гэлжлэх бө­гөөд Хятадын 30 гаруй хэвлэл сурвалж­лахаар ирж байгаа аж.