Бразилийн Санта Ма­рия хотын “Kiss” хэмээх шө­нийн клубт гал гарч амь үрэгдсэн хүмүүсийн тоо 233-т хүрчээ. Дээрх хэ­рэгтэй холбогдуулан орон даяар 30 хоногийн гашуу­дал зарлажээ. Мөн Санта Мария хотод өчигд­рөөс хохирогчдыг нутаг­луу­лаад байна. Хотын цагдаагийн газ­раас амь үрэгдсэн 230 хүний хэн болохыг олж тодруулаад байгаа бөгөөд өөр гурван хүний цогцсыг таниулах ажиллагааг явуулж байгаа аж. Амь үрэгдсэн хохирогчид олон байгаагаас хотын цогцос хадгалах газар дүүрчээ. Бразилийн “Глобо” мэ­дээл­лийн агентлагийн мэ­дээлснээр хохирогч­дын олонхи нь 16-20 насны залуучууд ба ихэнх нь “UFSM” их сургуулийн оюутнууд аж. Амиа ал­дагс­дын олонхи нь галын үеэр утаанд угаартаж, эсвэл айж сандарсан хү­мүү­сийн хөлд дарагдаж, амиа алд­сан байна. Санта Мариа хотын эмнэлгүүдэд айм­шигт га­лаас аврагдсан бо­ловч угаартаж, түлэгдэж, гэмт­сэн 100 гаруй хүн эмч­лүүлж байгаа юм байна. Одоогоор цагдаа нар гал гарсан шалтгааныг тод­руу­лахаар ажиллаж бай­гаа ч хохирогчдын ар гэрийнхэн галыг санаа­тайгаар тавьсан байж ма­гад­гүй хэмээн сэжиглэж байгаа тухай “ВВС” мэ­дээлжээ.

Гал сөнөөгчдийн мэ­дээлснээр шөнийн клу­бын ариун цэврийн өрөө­нөөс 50 гаруй хүний цогцос олсон байна. Гал шөнийн 02:00 цагийн үед гарсан бөгөөд тухайн үед клубт 300-500 хүн байсан гэнэ.