Өмнөговь аймгийн За­саг дарга Бадамгаравын Бадраа. Энэ эрхмийг бө­хөөр яривал дархан аварга гэлтэй. Орон нутагт өрсөл­дөнө. Ажрахгүй л ялаад гараад ирнэ. Өмнийн цэн­хэр говийн зон олон ирэх дөрвөн жилд түүний удирд­лагаар хөгжиж, өм­нөх ам­жил­таа бататгахаар шийд­сэн нь энэ.  Б.Бадраа дарга зөвхөн АН-ын үед л гэнэт засаг болсон битүү хүн биш. Тэрээр МАН-ын засаглалын үед орон ну­тагт ардчиллын салхийг аль хэдийнэ түгээж амж­сан нэгэн. Түүний намт­раас товч дурьд­вал Өмнө­говь айм­гийн Даланзадгад хотын унаган хүү. Аав нь Өмнө­говь аймгийн хууч­наар АИХ-ын депутатын гүй­цэт­гэх захиргаа гэж байх үед аймгийн хариуц­лага­тай нарийн бичгийн дар­гаар 20 гаруй жил ажил­­­ласан юм байна.

Боловсрол гэвэл бага анги болоод математикийн багш мэргэжилтэй. Багшаас сургуулийн захирал болтлоо соц нийгмийн үеэс ардчиллын он жилүүдэд ажиллаж. Боловсролын салбарт нийтдээ 23 жилийг өнгөрүүлж, 2000 оны дунд үеэс эхлэн улстөрд хөл тавьжээ. Өнөөдөр Өмнөговь аймаг 50 гаруй мянган хүн амтай, сая гаруй малтай, хөрсөн доорхи эрдэс баялагаа түшиглэн уул уурхайн салбар эрчимтэй хөгжиж их бүтээн байгуулалт өрнөсөн, өдрөөс өдөрт хөгжин дэвшиж буй хөгжлийн томоохон төв болж байна. Энэ утгаараа түүнд Өмнөговийг “жишиг аймаг” болгох төлөвлөгөө  бий. Улс, орны төсөв санхүүгийн дийлэнхи хувийг бүрдүүлж, Монгол Улсын хөгжлийн цоо шинэ үеийг бүтээхэд чухал хувь нэмрээ оруулах шинэ цаг  ирснийг Б.Бадраа дарга онцолж буй юм.  Өөрөөр хэлбэл,  ажил албаа нэр төртөй, үр бүтээлтэй, өн­дөр хариуцлагатай хашиж, хөдөлмөрч уламжлалтай хүн ардынхаа давуу талыг ашиглан аймгаа хөгжлийн хувьд үлгэр жишээ бол­гохоор зорьсон юм байх. Түүнээс гадна жижиг дунд үйлдвэрийг хөгжүүлэх, шинэ ажлын байр нэ­мэг­дүүлэх замаар ажил­гүйдлыг сааруулж, иргэ­дийнхээ амьдралын баталгааг хангахаар төлөвлөжээ. Дээрээс нь 1000 айлын орон сууцыг барьж залуу боловсон хүчнийг өмнийн говьдоо татахаар шийдсэн сураг­тай. Б.Бадраа даргын хувьд улс төрд, орон нутагт нэр хүнд сайтай ч хэв­лэлийн хуудаснаа элдвээр бичүүлж ирсэн. Төрийн албанд тасралтгүй зүтгэсэн гэр бүлийн хоёр аймгийнхаа ганц ундны усны эх дээр дээд зэрэглэлийн хаусаа сүрлэг хашаагаар тойруулан эзэн дээдэс мэт амьдардаг. Аймгийн төвөөсөө хойш 40 орчим километрт байх маш том жуулчны баазыг худалдаад авчихсан. Хуучин ХААН банк бай­сан байрыг 100 саяар ху­далдан авч “Green Castle” нэртэй дээд зэрэглэлийн ресторан байгуулж айм­гийнхаа хийгээд бууж мордсон бая­чуудад тусгайлан үйлчилж төрийн ажлаас илүү хувийн бизнесээ боддог. Төрийн мөнгөөр тоглогч, тендер будлиулагч гэх мэт элдвээр бичүүлэх ч нэгэнд нь ч тайлбар хийж байсангүй. Энэ нь түүнийг элдэв хэл амны хойноос хөөцөлдөөд явдаггүйг илтгэнэ. Түү­нээс ярилцлага авахыг хүсэх бүрт “Хийх ажил их байна. Ярилцлага өгөөд суух зав  алга” хэмээх нь хийж бүтээснээ сурталч­лаад байдаггүй гүндүүгүй занг илэрхийлэх биз. Ер нь Өмнөговь өөрөө өөрийгөө сан­хүүжүүлдэг аймаг. Улсаас татаас авдаггүй цөөн аймгийн нэг. Өн­гөрсөн 2011 оноор жишээ авахад ул­сын төвсийн тухай хуу­лийн өмнө хүлээсэн үүр­гээ 100 хувь биелүүлжээ. 60,9 тэрбум төгрөгийг улсдаа төв­лө­рүүлсэн. Жижиг Таван­тол­гой хувьцаат компанийн 51 хувь нь Өмнөговь аймгийн орон нутгийн өмч юм. Тухайн уурхайн нэг жилдээ  олсон ашгийн 51 хувь нь Өмнөговь аймагт ногдож байдаг гэсэн үг. Өнгөрсөн онд 80 жилийн ойгоор  баярлах, наадах цэн­гэх­дээ гол  биш их зүйлийг хийж бүтээе гэсэн сэт­гэлээр Өмнөговьчууд ажил­­ласан учраас 20 гаруй тэрбум төгрөгийн бүтээн бай­гуу­лалтын аж­лыг хийж чад­сан хэмээн онцолдог юм билээ. Ойрын үед Б.Бадраа дар­гыг эрүүл мэндийн шалт­гаанаар шал­таглан ажлаас нь огцруулахаар нэр бүхий хүмүүс хор найруулж яваа дуулдаж байна. Шалтгаан нь Даланзадгадын ду­лааны цахилгаан станцын сааталтай холбоотой гэнэ.  Гэсэн ч тэрээр хэнээс ч айж бэмбийхгүй хэлэхээ хэлж, хийхээ хийж, ажилласан шиг ажиллаж, амьдарсан шиг амьдарч яваа шударга нэгэн хэ­мээн магтах хүн ч цөөнгүй байна.