Д.БОЛОР

Ард түмний төлөөлөл болж сонгогдсон 74 гишүүний ердөө тав нь хуулийн төсөл хэлэлцэж, батлах эсэхийг шийдэж байна гэвэл та итгэх үү. Газрын багц хууль зэрэг хүний өмч хувьчлалтай холбоотой чухал асуудал шийдэхэд шүү дээ. Өнгөрсөн баасан гаригийн чуулганы үдээс өмнөх хуралдаанд нэр бүхий таван гишүүн байсан бол үдээс хойшхи хуралдаа­наар 12 гишүүн ажиллав. Уг нь гишүү­дийн ирц бол хангалттай байлаа. Намын бүлгийн ашиг сонир­холтой холбоотой хуулийн төсөлд олуулаа сууж бусад үед хаяад гарсан учраас хууль тогтоогчдын тоо цөөхөн байв. Тухайлбал, Газрын тухай багц хуу­лийн төслийг хэлэл­цэхэд УИХ-ын даргаас гадна Ж.Эр­дэнэ­бат, С.Бям­ба­цогт, Ц.Цол­мон, С.Дэмбэ­рэл, Ц.Оюун­гэрэл нарын тавхан гишүүн оролцож үг хэллээ. Харин үдээс хойш­хи хуралдаа­наар УИХ-ын гишүүн О.Баа­­сан­хүүгийн  Ерөн­хий сайдад тавьсан “Ху­виа­раа хөдөлмөр эрх­лэгч болон малчдыг нийг­мийн даатгалд хамруудах үйл ажиллагааны хэрэг­жилт”-ийн талаархи асуул­гад 12 гишүүн байл­цав. Тодруул­бал, С.Эр­дэнэ, С.Одон­туяа, Ж.Бат­зандан, Л.Эр­дэ­нэчимэг, С.Дэмбэрэл, С.Ганбаатар, Д.Батцогт, Б.Бат-Эрдэнэ, Л.Энх-Амга­лан, Ц.Ням­дорж, С.Бям­­­­бацогт, О.Баа­сан­хүү нарын ги­шүүн байсан. УИХ-ын дэгийн тухай хууль болон төрийн албан хаагчдыг хомор­голон халсан нь үнэн эсэ­хэд лавлагаа авах зэрэг бүлгийн эрх ашгийн үед мэдээж бүрэн бүрэл­дэхүүнээрээ байсныг онц­лох нь зүйтэй байх.  Ин­гээд чуулганы хуралдаа­ныг тоймлон хүргэе.

Үдээс өмнөх хурал­даанаар Газ­рын тухай багц хуулийн төслийг хэлэлц­сэн. Монгол Улсын иргэнд газар өмчлүүлэх тухай хуу­лиар иргэн бүрт газар өмчлөх эрхийг нээж өгсөн боловч уг эрхийг хэрэг­жүүлэх механизмыг хуульд тус­гайлан зохи­цуулаагүйгээс хуулийн хэрэгжилт удаа­ширч, дий­­лэнх иргэн газ­раа өмчилж авч чадаагүйн зэрэгцээ иргэ­дэд газар өмчлөх эрхээ эдлэхэд нь олон саад, хүндрэл учирч байна. Газар эзэмшиж байсан иргэн л тухайн газраа өмчилж авснаас бусад тохиолдолд иргэд, тухайлбал, орон сууцны байранд амьдарч байгаа иргэн газар өмчилж авах эрхээ хэрэгжүүлэх боломж хомс байна гэж УИХ-ын гишүүн Ц.Оюунгэрэл хуу­лийн төслийн танилцуул­гадаа дурдсан. Тоон үзүү­лэлтээс харахад 2003 оноос Иргэнд газар өмч­лүүлэх тухай хууль хэрэг­жиж эхэлснээс хойш өнөө­гийн байдлаар нийс­лэл хотын хүн амын 7.6 хувь буюу 91 мянга 830 иргэн газраа өмчилж ав­сан байна.   Түүнчлэн  хуу­­лийн  хэрэгжилт хан­галтгүй, хуулийг хэрэг­жүүлэх хугацааг таван жил тутам сунгаж  байгаа боловч үр дүн нь хараг­дахгүй байна гэж төсөл санаачлагчид үзжээ. Мөн энэ өдөр төрийн албан хаагчдыг хоморголон халж байгаа нь үнэн эсэхийг лавласан УИХ-ын гишүүн С.Бям­бацогтын асуулгын хариуг сонсов. ЗГХЭГ-ын дарга Ч.Сайханбилэг “Төрийн албан хаагч­дын хоморго­лон халсан асуудал байх­гүй. Зөвхөн ажлын шаард­лага хүлээж авдаг­гүй, ажилдаа ха­риуц­лага­гүй ханддаг за­рим нөхөд сайн дураараа ажлаас халагдах өргөдлөө өгсөн нь бий. Түүнээс биш чи аж­лаа өг гэж шахаж шаард­сан юм байхгүй” гэсэн товч хариултыг өглөө. Ха­рин төрийн албан хаагчдад зарцуулах улсын төсөв яагаад нэмэгдэв. Танай намынхан өөрийн хүнээр дүүргэсэн юм биш үү гэ­сэн асуултад “Цалин нэ­мэгд­сэн учраас төсөв нэ­мэг­дэнэ. Улстөржүүлэх гээд байгаа юм бол үүний­гээ тооцоолж байгаач” гэсэн юм. Мөн тэрээр “Бид хууль зөрчсөн эсэ­хийг чуулганы танхимд тогтоох­гүй. Зас­гийн газар хууль зөрчөөгүй” гэж хариуллаа.