Г.ЖАРГАЛМАА
БНСУ-ын Дуншин их сургуулийн ANCHOR төслийн Глобал бүс нутгийн онцлогт хүний нөөц бэлтгэх төвийн захирал Им Сүн Хо Монголд айлчилж Монголын гурван байгууллагатай хамтын ажиллагааны санамж бичиг (MOU) байгууллаа.
Энэхүү ажил нь DSU-BIZ-Care “Global Expansion Enterprise Support” хөтөлбөрийн хүрээнд хэрэгжсэн бөгөөд Дуншин их сургуулийн боловсролын туршлага, Монголын байгууллагуудын хэрэгцээг холбох зорилготой юм.
Тус төв нь энэхүү хамтын ажиллагаагаар өөрийн хоёр онцлог сургалтын хөтөлбөр болох DSU-EM болон DSU-J-ийг Монголд танилцуулж, орон нутгийн хөгжилд шаардлагатай чадварлаг боловсон хүчин бэлтгэхэд хамтран ажиллана.
Хамтын ажиллагаа дараах гурван үндсэн чиглэлээр хэрэгжинэ.
Нэгдүгээрт, K-Beauty нь Монголын Khunnu Pegas Company-тай хамтран арьс болон биеийн арчилгаа, гоо сайхны тоног төхөөрөмжийн ашиглалт, ухаалаг beauty device-ийн сургалт, K-Beauty сургалтын агуулгыг хамтран хөгжүүлнэ.
Цаашид оюутны дадлага, мэргэжилтэн бэлтгэх сургалт, internship хөтөлбөрүүдийг хамтран хэрэгжүүлэхээр төлөвлөж байна.
Хоёрдугаарт, Тайзны урлагийн боловсрол нь Orgil International School-тай хамтран бүжиг, тайзны урлаг, сурагчдын оролцоонд суурилсан урлагийн боловсролын хөтөлбөрүүдийг хэрэгжүүлнэ.
Мөн тоглолтын төлөвлөлт, уран бүтээл, хамтарсан сургалт, workshop, орон нутгийн сургалтын хөтөлбөрүүдийг хамтран зохион байгуулж, хоёр байгууллагын хамтын ажиллагааг өргөжүүлнэ.
Харин гуравдугаарт, нөхөн сэргээх эмчилгээ нь Сүхбаатар дүүргийн Нэгдсэн эмнэлгийн Сэргээн засах анагаах ухааны төв-тэй хамтран физик эмчилгээ, хөдөлгөөн заслын эмчилгээ, хөдөлгөөний үйл ажиллагааг сэргээх, нөхөн сэргээх үйлчилгээний чиглэлээр хамтарсан сургалт, мэргэжилтэн солилцоо, практик сургалтыг хэрэгжүүлнэ.
Мөн нөхөн сэргээх эмчилгээний салбарт урт хугацааны тогтвортой хамтын ажиллагааны тогтолцоог бий болгохоор ажиллах юм.
Энэхүү санамж бичиг нь зөвхөн нэг удаагийн олон улсын айлчлал биш юм.
Харин Дуншин их сургуулийн ANCHOR төслийн Өмнөд Жолла мужид хэрэгжүүлж ирсэн боловсролын хөтөлбөр, үйлдвэрлэлтэй хамтран ажилласан туршлагыг Монголд нэвтрүүлэх эхлэл болж буйгаараа онцлогтой.
Цаашид хамтарсан сургалтын хөтөлбөр, оюутан болон мэргэжилтний солилцоо, орон нутгийн сургалт, олон улсын их сургууль–аж үйлдвэр–судалгааны хамтарсан төслүүдийг үе шаттайгаар хэрэгжүүлэхээр төлөвлөж байна.
Энэ талаар төвийн захирал Им Сүн Хо хэлэхдээ “Энэхүү хамтын ажиллагаа нь Дуншин их сургуулийн бүс нутгийн хөгжилд суурилсан боловсролын туршлагыг Монголын байгууллагуудтай хуваалцах чухал эхлэл болж байна. Цаашид хамтарсан сургалт, мэргэжилтэн солилцоо, орон нутгийн дадлага болон боловсролын хөтөлбөрүүдийг шат дараатайгаар хэрэгжүүлж, дэлхийн түвшний чадварлаг боловсон хүчин бэлтгэхэд хамтран ажиллах болно” гэдгийг онцоллоо.
Дуншин Их Сургууль Монголд боловсрол, зөвлөх үйлчилгээ, технологи дамжуулах хамтын ажиллагааг өргөжүүллээ
БНСУ-ын Дуншин их сургуулийн ANCHOR төслийн Глобал бүс нутгийн онцлогт хүний нөөц бэлтгэх төвийн захирал Им Сүн Хо Монголын байгууллага, аж ахуйн нэгжүүдтэй хамтран боловсрол, зөвлөх үйлчилгээ болон технологи дамжуулах чиглэлээр хамтын ажиллагаагаа амжилттай хэрэгжүүллээ.
Энэхүү ажил нь DSU-BIZ-Care “Global Expansion Enterprise Support” хөтөлбөрийн хүрээнд зохион байгуулагдсан бөгөөд Монголын байгууллагуудын хэрэгцээнд тохирсон сургалт, зөвлөх үйлчилгээ, технологи дамжуулах үйл ажиллагааг хамтад нь хэрэгжүүлснээрээ онцлог юм.
Хөтөлбөр нь Дуншин их сургуулийн төрөлжсөн чиглэл болох Bio Silver Care болон Perfo Wellness Life салбарын мэдлэг, туршлагыг Монголд нэвтрүүлэхэд чиглэсэн.
Ажилтан хөгжүүлэх сургалтын хүрээнд K-Beauty Care Solution, гоо сайхны тоног төхөөрөмжийн ашиглалт, мөн нөхөн сэргээх эмчилгээний чиглэлээр сургалт зохион байгууллаа.
K-Beauty сургалтаар арьс арчилгаа, бүтээгдэхүүний хэрэглээ, гоо сайхны үйлчилгээний менежмент болон beauty device ашиглах арга барилыг танилцуулсан.
Нөхөн сэргээх эмчилгээний сургалтад хөдөлгөөн заслын эмчилгээ, биеийн үйл ажиллагааг сэргээх дасгал, физик эмчилгээний үнэлгээ, эмчилгээний арга зүй, мөн EEG технологийг ашиглан эмчилгээний үр дүнг үнэлэх аргачлалыг заалаа.
Мөн зөвлөх үйлчилгээний хүрээнд K-Beauty салбарт бүтээгдэхүүний хэрэглээ болон үйлчилгээний чанарыг сайжруулах талаар зөвлөгөө өгсөн.
Тайзны урлагийн чиглэлээр тоглолтын хөтөлбөр боловсруулах, сургалтын чанарыг сайжруулах, сурагчдын оролцоог нэмэгдүүлэх, хамтарсан workshop болон сургалтын арга барилын талаар зөвлөх үйлчилгээ үзүүлсэн.
Нөхөн сэргээх эмчилгээний салбарт эмчилгээний үйлчилгээний менежмент, хөтөлбөрийн сайжруулалт, мэргэжилтнүүдийн ур чадварыг хөгжүүлэх, хамтарсан сургалт зохион байгуулах боломжийн талаар санал солилцлоо.
Технологи дамжуулах ажил нь K-Beauty болон тайзны урлагийн боловсрол гэсэн хоёр чиглэлд хэрэгжсэн.
Сургалт болон зөвлөх үйлчилгээний үеэр бий болсон хамтын ажиллагааны хэрэгцээг технологи дамжуулахтай уялдуулснаар богино хугацааны айлчлалаас илүү урт хугацааны хамтын ажиллагааны үндэс тавигдсан юм.
Энэхүү хөтөлбөрөөр дамжуулан Монголын байгууллага, аж ахуйн нэгжүүдийн практик ур чадварыг дээшлүүлэхийн зэрэгцээ Дуншин их сургуулийн төрөлжсөн сургалтын хөтөлбөрийг олон улсад хэрэгжүүлэх боломжийг мөн харууллаа.
Түүнчлэн Монгол Улсын Анагаахын Үндэсний Их Сургууль болон Orgil International School-д Дуншин Их Сургуулийн боловсролын арга барил, их сургууль–орон нутаг–үйлдвэрлэл–судалгааг холбосон сургалтын тогтолцоог танилцуулав.
Цаашид хамтарсан сургалт, орон нутгийн дадлага, оюутан солилцоо, хамтарсан судалгааны төслүүдийг хэрэгжүүлэх чиглэлээр хамтын ажиллагаагаа өргөжүүлэхээр төлөвлөж байна.
