Олон улсын K-Imaging 20 дугаар эрдэм шинжилгээний хуралд УХТЭ-ийн зүрх, судас судлалын тасгийн хамт олон оролцлоо

Олон улсын "K-Imaging" 20 дугаар эрдэм шинжилгээний хуралд УХТЭ-ийн зүрх, судас судлалын тасгийн хамт олон оролцлоо

ZMS.MN

1 цаг

1 мин унших

П.АМГАЛАН

Бүгд Найрамдах Солонгос Улсад жил бүр уламжлал болгон зохион байгуулагддаг зүрхний ангиографийн олон улсын "K-Imaging" 20 дугаар эрдэм шинжилгээний хуралд Улсын Хоёрдугаар Төв Эмнэлэг (УХТЭ)-ийн Зүрх, судас судлалын тасгийн хамт олон болон Монголын Зүрх Судсан Дотуурх Мэс Заслын Эмч Нарын Нийгэмлэгийн төлөөлөгчид амжилттай оролцлоо.

Түүнчлэн энэ жилийн хурлын нэгэн онцлог үйл явдал нь "K-Imaging" хурлын түүхэнд анх удаа Монголын Зүрх Судсан Дотуурх Мэс Заслын Эмч Нарын Нийгэмлэгтэй хамтарсан бүтэн хуралдаан (KIMA AP Joint Session)-ыг тусгайлан зохион байгуулсан явдал байв. Тус хуралдааны үеэр манай эмч, мэргэжилтнүүд зүрх, судасны интервенционоль оношилгоо, эмчилгээний дэвшилтэт технологи, сүүлийн үеийн судалгааны үр дүнгээс хуваалцаж, дараах 4 аман илтгэлийг амжилттай хэлэлцүүллээ. Үүнд:

• Б. Батболд (УХТЭ-ийн Зүрх, судас судлалын тасгийн их эмч) — "IVUS-Guided PCI in Complex Lesion Case"

• Г. Өсөхбаяр (УХТЭ-ийн Зүрх, судас судлалын тасгийн их эмч) — "NIRS-Guided PCI in ACS Prone Case"

• Б. Ууганбаяр (УХТЭ -ийн Дүрс оношилгооны тасгийн их эмч) — "Diagnostic Performance of CCTA Stenosis Compared with QFR"

• Г. Есүй (Зүрх судас судлалын олгох эмч) — "Type II Kounis Syndrome Presenting With Recurrent Coronary Vasospasm After PCI"

Илтгэл хэлэлцүүлсэн эмч нараас гадна манай төлөөлөгчид салбар хуралдаануудад модератор болон панелистийн үүргийг хүлээж, Монгол Улсын зүрх судасны салбарын хөгжлийг олон улсад амжилттай танилцууллаа.