Монгол Улс замын  хөдөлгөөний зүүн гарын дүрэмтэй. Хэдий тийм бо­ловч  олон нөхцөл, шалт­гаа­ны улмаас нийслэлд замын хөдөлгөөнд орол­цож буй нийт тээв­рийн хэрэгслүүдийн 70 орчим хувь нь баруун тал­даа жолооны хүрдтэй бай­гаа юм.

Хотын дарга нийс­лэлийн замын хөдөл­гөө­ний ачааллыг бууруу­ла­хаар “солгой” жолоотой автомашинуудыг амрал­тын өдрөөр  хөдөлгөөнд  оролцуулахгүй гэсэн нь иргэдийн  бухимдлыг хүр­гэсэн ч, асуудал нэг хэ­сэг­тээ намжаад байгаа.

Цаашид буруу талдаа жолооны  хүрд­­тэй автомашины  им­портыг хязгаарлах тухай ярьж байгаа энэ үед ма­найд жижиглэнгээр бус дистрибютер нь болж зүүн хүрдтэй автомашин нийлүүлж байгаа  ком­паниудын эзэмшигчдийн тухай мэдээллийг сонирх­лоо. Хүснэгтээс харахад энэ салбарын зах зээлд АН-аас угшилтай, өдгөө өндөр албан тушаал хашиж бай­гаа эрхмүүд давамгай­лах шинжтэй болж  иржээ. Сүүлд авсан мэдээллээр гэхэд Хьюндай загварын автомашин импортолдог компанийг Үйлдвэр, хөдөө, аж ахуйн сайд Х.Баттулга худалдаж авсан гэх яриа гарсан юм. Гэхдээ дээрх компаниуд одоохон­доо зөвхөн шинэ загварын,  өндөр үнэтэй машинууд нийлүүлж байгаагаас үйлч­лүүлэгчдийн тоо их биш гэдгийг онцлон  дурдах хэрэгтэй.

Монгол­чуудын олонхи нь  амь­жиргааны төв­шиндөө таа­руулж, эдэл­гээг нь  бодож Японоос орж  ирсэн буруу хүрдтэй, хуучин автома­шинуудыг жижиг компа­ниуд болон хувь хүнээс худалдан авдаг. Нөхцөл байдал өдгөө ийм байгаа ч цаашид зүүн гарынхаа дүрмийг баримтлан зөв талдаа жолооны хүрдтэй автомашины импортыг өсгөх, энэ төрлийн жижиг­лэнгийн бизнес хүчээ авах  ирээдүй байгаа  юм.