Ч.Зотол Шинжлэх ухааны салбараас  Монголын Улсын болон дэлхийн хэмжээний   томоохон шагналыг  хүртсэн шилдэг эрдэмтдийг   Шинжлэх ухааны академийн  ерөнхийлөгч  Д.Рэгдэл хүлээн авч хүндэтгэл үзүүллээ. 2018  онд таван  эрдэмтэн  шагнал хүртсэн юм. 

• “Монголын геологи ба ашигт малтмал” хэмээх найман боть цувралыг бүтээсэн эрдэмтдийн хамт Төрийн шагнал хүртсэн академич Р.Барсболд
• Япон Улсын Засгийн газрын “Мандах нар” одонгийн “Тууз бүхий Алтан туяа” зэрэглэлийн одон хүртсэн академич Д.Төмөртогоо
•  Монгол Улсаас анх удаа ОХУ-ын газар зүйн нийгэмлэгийн дээд шагнал С.М.Пржевальскийн нэрэмжит хүндэтгэлийн алтан медалийг хүртсэн академич Д.Доржготов
• Туркийн Шинжлэх ухааны академийн 2018 оны шагнал хүртсэн академич Л.Болд
• Монгол Улсын шинжлэх ухааны гавьяат зүтгэлтэн болсон  доктор О.Самбуудорж

Уулзалтын үеэр эрдэмтдийг  ШУА-ийн "Бидний бахархал" өргөмжлөлөөр өргөмжилсөн юм. Энэ үеэр эрдэмтдийн сэтгэгдлийг сонихлоо.   Академич Р.Барсболд: Геологийн салбарт судалгаа хэрэгтэй -Манай улсын эдийн засагт чухал байр суурь эзэлдэг уул уурхайд геологи хамгаас чухал. Дэлхий дээр ус, хайрга хоёрыг хамгийн ихээр хэрэглэж байна. Байгалийн нөөц, баялгийг зөвөөр ашиглахад геологийн шинжлэх ухаан хэрэгтэй. Бидний судалгаа нь эртний, өнөөгийн судалгааг нэг дор болгосон тул энэ салбарт ажилладаг, мэргэжлийн хүмүүст маш дөхөм болох юм. Академич Д.Доржготов:Үндэсний атлас гаргана -Одоогоор би хоёр ажил дээр төвлөрөн ажиллаж байна. Монгол Улсын үндэсний атлас 1990, 2008 онд хэвлэгдсэн байдаг. Үүнийг шинэчлээд англи болон монгол хэл дээр хэвлэхээр ажиллаж байна. Үндэсний атлас нь өнөөгийн Монгол Улсын нийгэм эдийн засаг, соёл, археологи, түүх зэргийг харуулна. Хоёрдугаарт, Монгол Улсын хөрсний судалгааны талаар уулархаг нутгийн хөрс, тал хээрийн хөрс, говь нутгийн хөрс гэсэн гурван боть ном бичих гэж байна. Академич Л.Болд:Туркийн дурсгалыг бүртгэнэ  -Монгол нутагт байгаа турк үндэстний хэл, аялгууг хэл шинжлэлийн үүднээс судалсан.  Энэ онд эртний Турк бичгийн талаар хоёр ном гаргахаар ажиллаж байна. Үүний нэг нь эртний Турк хааны хөшөөний бичгийг орчуулах, хоёрт, Монгол нутагт байгаа турк бичээсийг бүртгэх юм. Доктор О.Самбуудорж: 10 гаруй бүтээл хэвлүүллээ  -Миний хувьд 30 гаруй жилийн хугацаанд 400 гаруй бүтээл туурвиж, 10-аад оронд хэвлүүлсэн. Судалгааны маань онцлог  Монгол судлалыг хөгжүүлэхэд чиглэсэн. Сүүлийн таван жилд ихэнхдээ Монголын утга зохиолыг хэлийг боловсронгуй болгох, нийтийн эх хэлний боловсролыг дээшлүүлэх, соён гэгээрүүлэхэд чиглэж байна. Өнгөрсөн жилийн хувьд Монголын ард түмэнд зориулж зөв бичгийн журамласан толь бичгийг боловсруулж, нийтэд хүртээл болголоо.