Б.ОЧИР 2016 оны Орон нутгийн сонгуулийн дүнгээр МАН нийслэлд ялалт байгуулсан. Э.Бат-Үүлийн баг унаж, тухайн үед Ц.Сандуйгийн даргалж бай­сан Нийслэлийн МАН Улаан­баа­тар хотын захиргааг бүрдүүлсэн. Тэдний тол­гой­логчоор Су.Батболдыг томилсон байдаг. Гэвч өнөөдөр Су.Батболд даргын баг нийслэлийн ажлыг тийм ч урагштай явуулахгүй байна гэдэг үнэлгээг иргэдээс аваад байгаа. Тэр ч байтугай Су.Батболдын томилсон зарим газрын дарга ав­лигын асуудалтай хол­бог­дож магадгүй гэсэн эр­гэл­зээ иргэдэд төрөөд байна. Тодруулбал, Нийслэлийн Авто Замын Хөгжлийн Газрын дарга Ж.Тогтохбаяртай хол­боотой гомдол, мэдээлэл хуулийн байгууллага, МАН-ын удирдах байгуул­лагад ч очих болсон байна. Тэрээр МАН-ын санхүүжилт нэрээр тендерийн үнийн дүнгийн 10-15 хувийг авдаг гэх хуу­лийн байгууллагаар бат­лаг­даагүй мэдээлэл яригдаж эхэллээ. Эх сурвалж: "Зууны мэдээ" сонин