Д.БОЛОР

Монгол Улсын гурав дахь Ерөнхийлөгч, МАХН-ын дарга Н.Энх­баярын биеийн байдал тааруухан байна. Өлсгөлөн­гөөс үүд­сэн хям­рал нь сэдэрч эмч нарыг түргэн авахуулахад хүргэжээ.

Тиймээс сэ­хээний тасаг руу шил­жүүлэн ар гэрийнхнийх нь хараа хя­нал­тад эмчилж бай­гааг эх сурвалж хэллээ. Амь нас нь хутганы ирэн дээр тулсан энэ үед тэрээр Шүүхийн шийдвэр гүй­цэтгэх ерөн­хий газар, Улсын Ерөнхий прокуро­рын газар, Эрүүл мэндийн яаманд хандаж хүсэлтээ хүргүүлжээ. 

Түүнд “Ми­ний бие өн­гөр­сөн жи­лийн өлс­гөлөн­гөөс хойш сул дорой хэ­вээр байгаа бөгөөд мэр­гэжлийн эмч нарын ко­мис­сын зүгээс ял эдлэх бо­ломжгүй гэсэн дүгнэлт гарсан. Энэ бүх­нийг хар­гал­зан үзэж на­майг эрүүл мэндийн шалт­гаанаар хуу­­лийн дагуу чө­лөөлөх асуудлыг яаралтай ший­дэж өгөх хүсэлтийг тавьж байна. Мөн миний биеийг мэргэжлийн эмч нар га­даадад яаралтай явж эмч­лүүлэх шаардлагатай гэ­сэн дүгнэлт гаргасныг хар­галзан үзэхийг хүсч байна” гэжээ.

Мөн Н.Энхбаярыг  гардан эмчилж байгаа эмч нар өвчтнийнхээ эрүүл мэнд асар доройтсон тухай албан бичгийг холбогдох газруудад нь хүргүүлсэн байна. Үүнд “Н.Энх­баярын  бодисын солил­цооны түгмэл хямралын хам шинж болон олон эрхт­ний архаг дутмагш­лаас үүдэн захын мэд­рэлийн алдагдал, нуруу тархины суурь хэсгийг хамарсан цусан хан­гамжийн хямрал шинээр илрэх боллоо. Эмчил­гээний явцад амьсгалын дээд зам, дунд чихний үрэвсэл дарагдсан боловч бодисын солилцооны хямрал гүнзгийрч биеийн байдал хүндэрч амь на­санд аюул учирч бол­зошгүй байна” гэжээ.  Энэ албан бичгийг Нэгд­сэн хоёрдугаар эмнэлгийн захирлын үүрэг гүйцэтгэгч Г.Баяс­галан хуулийнханд илгээжээ. Н.Энхбаярын биеийнх байдлын  талаар өмгөөлөгч Б.Оюун­билэгээс  тодрууллаа.

-МАХН-ын дарга Н.Энх­баярын биеийн байд­лын талаар тод­руулаач. Маш хүнд бай­гаа гэх юм?

-Эрүүл мэнд нь асар их доройтсон. Сэхээн амьдруулах тасагт хэвтэн эмчлүүлж байна.

-Ар гэрийнхнийг нь дуудсан гэв үү?

-Тийм ээ. Өвчтөн хүнд байгаа үед ар гэ­рийнхнийг нь байлгах шаардлагатай байна.

-Хоол унд идэхгүй байгаа гэсэн үнэн үү?

-Бодисын солил­цооны хямралын улмаас хоол идэж чадахгүй байгаа. Цаашдаа энэ байдлаар удаан явбал амь насаа алдах аюултай.

-Тэрээр эрүүл мэндийн шалтгаанаар ялаас чө­лөөлөгдөх хүсэлтээ өгчээ. Үүнийг тодруулахгүй юу?

-Хэдийгээр миний үйлч­лүүлэгч шударга үнэ­нийг тогтоотол тэмцэнэ гэж байсан ч эрүүл мэн­дийн шалтгаанаар аргагүй эрхэнд ялаас чөлөөлөгдөх хүсэлт өгч байна. Хү­сэлтийг нь холбогдох бай­гууллагууд богино хуга­цаанд шийдэж өгөх зайлш­гүй шаардлага бай­гааг энэ дашрамд дуулгах ёстой гэж бодож байна.