Ч.ОЛДОХ

Энэ жил Хэнтий аймгийнхан  түүхт 90 жилийн ойгоо тэмдэглэнэ. Түүний зэрэгцээ аймагтайгаа нас чацуу хэд хэдэн сумын 90 жилийн ой тохиож байгаа юм байна. Тэдний  нэг Жаргалтхаан   сумын Засаг дарга Д.Чинбаттай ярилцлаа.

-Жаргалтхаан сумын 90 жилийн ой тохиож байгаа гэсэн. Ойн бэлтгэл, бүтээлч ажлын талаар танилцуулахгүй юу?

-Хуучнаар Баянзүрх уулын хошуу,  Хан Хэнтий уулын аймагтайгаа  нас чацуу Жар­галт­хаан сумынхан маань энэ жил 90 жилий ойноо тэмдэглэх гэж байна. Сум, орон нутгийн хэмжээнд бүтээн байгуу­лал­тын олон ажил хийхээр төлөв­лөсөн.  Төлөвлөгөөнд 90 бү­тээлч ажил тусгасан. Заримыг хийж эхлээд байгаа.

-Сумын иргэд хэр дэмжиж байна?

-Ой тэмдэглэж баярлаж цэнгэх нэг хэрэг. Түүнээс  илүү орон нутгаа  хөгжүүлэхэд анхаарч байгаа. Ойн хүрээнд 90 жилийн түүхтэй сум өнөөдөр ямар байх ёстой вэ гэдгийг тодорхойлох  хэрэгтэй. Энэ бол түүхэн ойн түүхэн хариуцлага юм. Энэ ажилд сумын уугуул иргэд,  тэндээс  ажил амьдралынхаа гарааг эхэлсэн хүмүүс, одоо сумандаа ажиллаж, амьдарч байгаа ир­гэ­дийн хувьд бүгд нэг сэтгэл­тэй, нэг бодлоготой дэмжиж оролцож байна. Ажил бүх төв­шинд амжилттай хэрэгжиж байгаа.

-90 бүтээлч ажлын зари­маас сонирхуулаач?

-Юуны өмнө сум, орон нутгаа сурталчлах, залуу үед  таниулах, бусдад мэдээлэхэд анхаарлаа. Уламжлалаа дахин шинээр гаргаж ирэх чиглэлд багагүй ажил санаачилж хийж байна. Ажлын явц 50 гаруй хувьтай байгаа. Бүтээн бай­гуулалт, сумын өнгө үзэмжийг сайжруулахад чиглэсэн завса­рын ажлыг график гаргасан. Хүмүүс тус тусын ажлыг дор бүрдээ хичээж хийж байна.

-Сумаасаа төрж гарсан алдартнуудыг мөнхжүүлж суралчилна гэлээ. Тэдэнтэйгээ хэр холбоотой байна?

-Манай сумаас төрж гар­сан алдартнууд, урлаг, спор­тын нэртэй хүмүүс, төрийн өндөр дээд шагнал хүртсэн болон одоо үр бүтээлтэй ажил­лаж байгаа малчид олон  бий. Тэднийгээ мөнхжүүлэх, залуу үед туршлагыг нь сурталчлах чиглэлээр ажиллаж байна. Мөн сумынхаа түүхийг ши­нэч­лэх, баримтжуулах чиглэ­лээр “Жаргалтхаан” сэтгүү­лийн   хоёр ч дугаарыг гаргаад байна. 90 жилийн түүхтэй сумынхаа үе үеийн түүхийг тодруулж, сурталчлах зорилго тавьсан. Үүнээс гадна  ой баяр  үндсэндээ бүтээн байгуулал­тын томоохон алхам  болно гэдэгт итгэлтэй байна.