Х.ОЮУНБОЛД
Жүжигчин Бен Аффлек салсан эхнэр Женнифер Гарнер болон хүүхдүүдтэйгээ ойрхон амьдрахын тулд Лос- Анжелес хотод 20 сая ам.доллараар байшин худалдаж авсан байна. Бэтмэн, Супермэний дүрийг бүтээсэн тэрээр одоо эхнэр хүүхдийнхээ амьдардаг байшингаас километр хагасын зайтай, нэг гудамжинд амьдрах боллоо. Ингэснээр Бен Аффлек, найруулагч Стивен Спилберг, Том Хэнкс, Адам Сэндлер болон түүний дотны найз Мэтт Дэймонтой хөрш болж байгаа юм. Түүний шинэ гэр нь усан сан, кино танхим, фитнессийн өрөө болон гадна талдаа зочдод зориулсан байшинтай ажээ.
Байшин худалдаалдаг “Zillow” цахим хуудаст “Түүний шинэ гэр нь жинхэнэ мөрөөдлийн байшин. Жүжигчин хүнд яг тохирно” гэж бичжээ.
Эх сурвалж: "Зууны мэдээ" сонин
