“Зууны мэдээ” сонины “ZM memory” буланд гур­ван жилийн өмнөх энэ өдөр дэлхийн театрын өд­рийг тохиолдуулан УДЭТ-ын залуу жүжигчин Э.Тодгэрэлийг дугаарын зоч­ноор урьж байжээ. Тэрээр Урлагийн гавьяат зүт­гэлтэн, найруулагч Ч.Найдандоржийн бүтээл “Чөлөөт хос” жүжгийн Мом­баретогийн дүрд тоглосон юм.  Түүнийг нэг өдөр найруулагч нь өрөөн­дөө дуудаад жүжгийн зохиолыг унш хэмээн өгөхөд нь өөрийгөө хүү юм уу хүүгийн найзын дүрд тоглох юм байна гэж бодоод хүүгийн дүрийг уншсан аж. Хэд хоногийн дараа найруулагч өрөөгөөр нь шагайгаад “Зохиолоо уншсан уу, хэр санагдаж байна. Ойл­госон уу” хэмээн асуу­хад нь зохиолоо уншиж эхэлжээ. Зохиол сонирхолтой санагдсан ч ийм гэр бүл байдаг юм байхдаа гэсэн гайхах сэтгэл төрж байлаа. Учир нь гэр бүлгүй болохоор надаас их хол юм шиг санагдсан. Хэд хоногийн дараа найруулагч Баясаа эгч бид хоёрыг дуудаад “Та хоёрыг жүжигтээ тоглуу­лахаар эргэлт буцалтүй шийдлээ. Би энэ жүжгийг тодорхой хэмжээний дуу, бүжигтэй, мюзикл хэлбэрээр хийнэ” гэсэн сонирхолтой ярилцлагыг нийтэлж байжээ.