Д.НАДМИД

 ЮНЕСКО-гийн Мон­голын Үндэсний ко­мисс, БТСГ-ын спор­тын анагаах ухааны эр­дэм шинжилгээний алба, “Допингийн эсрэг үндэсний байгууллагын чадав­хийг бэхжүүлэх нь” тө­сөл дээр хамтран ажиллах гэрээнд гарын үсэг зурав. ЮНЕСКО-гийн Монголын Үндэс­ний комиссын нарийн бичгийн дарга С.Уянга уг төслийн зорилтыг тодор­хойлж хэлэхдээ “Тамирчны эрүүл мэнд, нэр төрийг хам­гаа­лах, спортод шударга өрсөлдөөн бий болгох явдал, үүний тулд допинг хэрэглэсэн тамирчныг шийтгэх нь гол биш урьд­чилан сэргийлэх, мэ­дээл­лээр хангахад чиглэг­дэж байгаа юм” гэлээ.

Төслийн явцад до­пин­­гийн чиглэлээр ажил­лах 20 мэр­гэжил­тэн болон таван эмчийг бэлтгэн гаргах ажээ. Энэ үеэр Спортын ана­гаах ухаан, эрдэм шин­жил­гээний албаны их эмч Ч.Насанбатаас до­пинг хэрэглэсэн нь шинжил­гээгээр тогтоогдсон бөхчүүдийн нэрийг хэзээ зарлах вэ гэхэд “Өнгөрсөн оны намраас хойш гол барилдаануудын үеэр 35 бөхөөс допингийн шинжилгээ авсан. Тэднээс таван бөхийн сорьцоос допинг илэрсэн гэдэг нь үнэн. Харин төрийн байгууллагыг төлөөлдөг учир би зарлах эрхгүй. Маргааш МҮБХ мэдээлэл хийх юм билээ” гэв. Мөн тэрээр “Улсын цолтой ч бий, аймгийн цолтой нь ч бий” гэсэн юм.

Эх сурвалж: " Зууны мэдээ" сонин