Р.Оюун

“Зууны мэдээ” сонин “ZM memory” булангаараа есөн жилийн өмнө буюу 2009 оны нэгдүгээр сарын 29-ний дугаартаа юуг онцолж байснаа хүргэж байна. 2009 оны энэ өдөр Амралт, чөлөөт цаг нүүрэнд “Асашёорюү Д.Дагвадорж: Нуугаад яах вэ, Хакүхотой барилдахад сандарсан шүү” гэсэн гарчигтай ярилцлага нийтлэгдэж байжээ. Тухайн үед Асашёорюү Д.Дагвадорж гурван башё өнжсөний дараа Хацү башёд түрүүлж, мэргэжлийн сүмогийн 68 дахь их аварга болж, Японы эзэн хааны цомыг 23 дахь удаагаа хүртэж сүмогийн дээд амжилтыг эвдсэн юм. Тэрээр “Башёгийн сүүлийн өдөр Ёкозүна Хакүхотой барилдахдаа сандарсан шүү. Золгоог сайн хийж чадаагүй. Дээр нь сэтгэл хөдлөлөө барьж дийлээгүй. Харин энэ ялагдал маань нэмэлт барилдаанд эерэгээр нөлөөлсөн” хэмээн ярьж байжээ.

Эх сурвалж: "Зууны мэдээ" сонин