Х.ОЮУНБОЛД Дуучин Селена Гомес найз залуу The Weekend-ээс салснаа саяхан мэдэгдэж “Бид одоо сайн найзууд шиг  жирийн харилцаатай” гэсэн юм. Энэ мэдэгдлийнхээ дараа дуучин бүсгүй хуучин найз залуу, дуучин  Жастин Бейбертэй болзож эхэлсэн. Харин Канадын дуучин The Weekend өөр бүсгүйчүүдтэй уулзаж, зугаалах болсон нь энэ мэдээллийг баталж, загвар өмсөгч Иованна Вентуратай үерхэж байгаа гэсэн мэдээлэл тарсан. Тэгвэл саяхан 27 настай дуучин залуу Сидней дэх гэртээ найзуудтайгаа уулзаж, өдрийг сайхан өнгөрүүлжээ. Энэ үеэр  түүнийг гэрийнхээ тагтан дээр гунигтай зогсч буйг нь папарацчид авч амжжээ. Энэ зураг цахим сүлжээнд тарсны дараа хүмүүс  “Магадгүй Селенагаас салсандаа харамсч байгаа бололтой” гэсэн таамаглал дэвшүүлжээ. Эх сурвалж: “Зууны мэдээ” сонин