Д.СҮРЭН
Монгол-Солонгосын уламжлалт дорнын анагаах ухааны төвийн эмч Жүн Мин Гюү эмэгтэйчүүд, бүсгүйчүүд таргалалттэй хэрхэн тэмцэх талаар зөвөгөө өгсөн юм. Урин цаг ирж, охид, бүсгүйчүүд биеийн галбиртаа илүүтэй анхаарч эхэлдэг. Тиймээс түүний зөвлөгөөг хүргэж байна.
Таргалалт гэдэг нь биеийн доторх тослог хэвийн хэмжээнээс хэтэрхий ихээр хуримтлагдсаныг хэлнэ. Харин яс, булчин ихтэй хүнийг тарган гэж хэлэхгүй. Тос, өөхний бүх жин эрэгтэй хүний хувьд биеийн жингийн 25 хувиас дээш байдаг. Эмэгтэй хүний хувьд биеийн жингийн 30 хувиас дээш тос, өөх байгаа бол таргалж эхлэж байна гэж үзнэ. Хүний биеийн жин хэвийн боловч харьцангуй булчингийн жин багатай хэрнээ огт хөдөлгөөн хийгээгүйгээс болж биеэн дэх өөх тосны хэмжээ 25-30 хувиас дээш болох магадлалтай. Ийм тохиолдол ч таргалалтад багтана. Ийм өөх тосны харьцааг мэдэхийн тулд “inbody” хэмээх төхөөрөмжийг ашиглан шинжилдэг. Өндөр үнэтэй төхөөрөмж биш боловч одоог хүртэл Монголд цөөхөн байгаа учраас олж шинжлүүлэхэд хүндрэлтэй байна. Иймд хялбархан аргаар таргалалтыг оношлох арга нь биеийн жингийн харьцааны индекс (ВМ1-Ьос1у шазз 1пдех) хэмээх шинжилгээний аргыг ашиглан хийж болно.
ВМ1=биеийн жин (кг) / нурууны өндөр (м) * нурууны өндөр (м)
Хэрвээ 182 см, биеийн жин 89 кг бол ВМ1 нь 89/(1.82*1.82) = 26.87 байна.
Энэ ВМ1 нь 22-23 байвал жирийн байх бөгөөд 23-25 байвал хэтэрхий жинтэй. 25-30 бол тарган 30-аас дээш бол хэт тарган гэж үздэг. ВМ1=25-аас дээш байх тохиолдол болон ВМТ=23-аас дээш байх тохиолдолд чихрийн шижин, цусны даралт өгсөх, зүрх судасны өвчнөөр өвчилж болзошгүй.
Хааяа эмнэлэгт хэвтдэг хүмүүс дотор “inbody” шинжилгээгээр хэвийн өөх тосны харьцаатай гарсан хүмүүс өөрсдийгөө тарган гэж боддог тохиолдол байдаг. Бид нар “үзэсгэлэнтэй юм аа” гэж боддог туранхай хүмүүс үнэндээ эмнэлэг зүйн хувьд эрүүл бус юм. Биеийн жингээ хасахын өмнө заавал эмчийн зөвөлгөө авч “inbody” шинжилгээ хийлгэн биенийхээ өөх, тосны хэмжээ болон булчингийн хэмжээний жинхэнэ харьцааг магадлан шалгасны дараа жин хасаарай. Хэрвээ эмнэлэгт очих боломжгүй бол ВМ1 шинжилгээгээр биеийн жингээ хасах хэрэгтэй эсэхийг магадласны дараа жингээ хасах хэрэгтэй.
ТУРЛАА Ч ЭРГЭЭД ТАРГАЛААД БАЙНА. ДАХИН ТАРГАЛАХГҮЙ БАЙЖ БОЛОХГҮЙ ЮУ?
Жин нэмэгдэхэд үргэлж яс хийх ёстой ажил бол өлсөх явдал байдаг. Хүний бие хэрэглэж байгаа энергиэс илүүгээр шингээж байгаа энерги багасвал биеийг хамгаалахын тулд доорхтой адил янз бүрийн өөрчлөлтүүд гарах болно.
А. Хүний бие өөх тос болон булчинг эрчим хүч болгон ашиглана
Биед шингэж байгаа энерги багасвал организмын дотор агуулагдаж буй тос өөх болон булчинг эрчим хүч болгон ашиглана. Үүнээс болж хүний бие нь өөрөө хэмжээгээрээ багасахаас гадна цус суурилаг шинж чанартай болж олон янзын сайн биш ур дүн илрэх болно. Жишээлбэл: арьс хуурайшиж нүүрээр батга зэрэг зүйл гарах болно.
Б. Биеийн доторх ус, шингэний хэмжээ багасна.
Шууд шингэж байгаа ус, шингэнээс гадна бидний бие нь хоол, ундаар дамжуулан ихэнх шаардлагатай шингэнийг авч байдаг. Харин хоол, ундны хэмжээ багасвал биед шингэх шингэний хэмжээ мөн багасч зүрхэнд ачаалал өгч булчин өвдөх зэрэг олон шинж тэмдэг илэрнэ.
В. Булчингийн багасалт
Булчин багасвал булчингийн өөрийн чадвар нь алдагдаж бие ядрахаас гадна тухайн байдалд зохицон адил үйл ажиллагаа явууллаа ч гэсэн багахан хэмжээний л энергийг ашиглах хэрэгтэй болно. Ийм шалтгаанаар булчингийн хэмжээ багасвал турсны дараа өмнөх шиг хэмжээний энергийг шингээлээ ч хуримтлагдах өөх, тосны хэмжээ нэмэгдэх болно. Өөрөөр хэлбэл, турахын өмнөхөөс илүүгээр жин нэмэх болно.
Хоол ундны хэмжээг багасгах замаар хийж буй турах үйл ажиллагаа нь эцсийн эцэст эрүүл мэндэд хортойгоор нөлөөлж үүний дараа ч жин улам түргэн нэмэгдүүлэх нөлөөтэй байдаг. Турсаны дараа жин дахин нэмэхээс сэргийлэхийн тулд шингээж байгаа хоол ундны хэмжээг багасгаж өлсч жин хасах аргаас зайлсхийгээрэй. Булчинг дээд зэргээр хадгалан өөх, тосыг багасгаж шингэний хэмжээг хангалттай байлгахаар турах хэрэггэй.
Яаж жингээ хасах вэ?
Жин нэмж байгаа шалтгаан нь маш энгийн. Шингээж байгаа энерги шатааж байгаа энергиэс их байгаа учраас тэр. Бидний биед үлдэж байгаа энерги нь өөх, тос болон хувирч биед хадгалагдсан энэ нь жинг нэмж байгаа хэрэг юм. Тэгвэл жинг хасахын тулд:
-шингээж байгаа энергийг багасгана.
-шатааж байгаа энергийг нэмэгдүүлэх хэрэгтэй болно.
Эндээс шингээж байгаа энергийг багасгахын тулд үргэлж бага идэж, уух хэрэгтэй гэж санагдан богино хугацаанд турах юм шиг бодогдовч турсаны дараа хүнсийн хэмжээг нэмбэл эргээд хурдан таргална. Ингээд олон хүн дахин дахин турснаар эрүүл мэнд нь хохирч, эмнэлгэт очих хэрэг гардаг. Өөрийн эрүүл мэндээ хохироохгүйгээр турахын тулд нэг долоо хоногт 0.5-1 кг-аар турах зорилт тавьж өлсөх бус хоногт 30 минутаас дээш хугацаагаар явган явах, усанд сэлэх зэрэг дасгал, хөдөлгөөн хийгээрэй. Их ундаа уулгүйгээр харин ус ихээр ууж хэрэглэн, унтахаас гурван цагийн өмнө шөлгүй хуурай хоол хүнс хэрэглэхээс зайлсхийвэл зохино. Энэ зарчмыг баримталснаар ихэнх хүмүүс амжилттай жингээ хасч чадна.
Янз бүрийн шалтгааны улмаас жингээ хасахад хүндрэлтэй хүмүүс мэргэжлийн, тураах үйл ажиллагаа явуулдаг эмнэлэг, сувилалын байгууллагуудад хандах нь зүйтэй.
