Казахстанаас есөн медаль хүртэв

0
хуваалцах
680
үзсэн

Д.ДАРАМБАЗАР

Казахстаны Алмата хотноо Болат Турлыхановын нэрэмжит чөлөөт  бөхийн дэлхийн чансаа олгох тэмцээн явагдаж өндөрлөлөө. Тэмцээнд манай тамирчид гурван алт, хоёр мөнгө, дөрвөн хүрэл медалийг хүртэв. Сүүлийн өдрийн барилдаанд "Осло-2021" ДАШТ-ий хүрэл медальт, "Хүч" спорт хорооны тамирчин ОУХМ Т.Тулга алтан медаль хүртэж, Монгол Улсынхаа төрийн дууллыг дахин эгшиглүүлэв.

Тэрбээр хагас шигшээд өсвөр үеийн ДАШТ-ий алт, мөнгөн медальт Узбекистаны Умиджон Жалиловыг, финалд Азийн аваргын хошой хүрэл медальт, Узбекистаны Аббос Рахмоновыг ялж аваргалсан юм. Түүний хувьд -65 кг-д дэлхийн чансааны аман хүзүүнд бичигдэж байсан бол энэ тэмцээнд түрүүлснээр жингээ тэргүүлэхээр боллоо. Харин 23 хүртэлх насны ДАШТ-ий хүрэл медальт, "Сүлд" спорт хорооны тамирчин ОУХМ Б.Бямбадорж мөнгөн медаль хүртсэн бол ДАШТ-ий хүрэл медальт, "Хилчин" спорт хорооны тамирчин ОУХМ М.Лхагвагэрэл хүрэл медалийн эзэн болсноор манай улс есөн медалийг хүртлээ.

Эх сурвалж: www.polit.mn