Францын Гадаад хэргийн сайд Лавровтой уулзах хүсэлтэй байна

0
хуваалцах
230
үзсэн

З.Батцэцэг

Францын Гадаад хэргийн сайд Жан-Ив Ле Дриан энэ долоо хоногт НҮБ-ын Ерөнхий Ассамблейн чуулганы үеэр Оросын Гадаад хэргийн сайд Сергей Лавровтой яриа хэлэлцээ хийх бодолтой байгаагаа хэллээ. Түүний хэлснээр, ярилцах сэдэв нь Иран, Ливи, Афганистан, Украйны талаар байх болно гэж РИА Новости мэдээлэв. Нью-Йоркт болсон НҮБ-ын Ерөнхий Ассамблейн чуулганы үеэр хийсэн хэвлэлийн бага хурал дээр Ле Дриан “Ираны талаар асуудал үүссэн. Учир нь Тегеран үүргээ зөрчсөөр байгаа тул энэ нь "түгшүүр төрүүлж байна" гэж тэмдэглэв. “Бид  үүнийг Орос, Хятад хоёрын аль алинтай нь хэлэлцэх болно. Би ОХУ-ын Гадаад хэргийн сайд Сергей Лавровтой хоёр талын уулзалт хийхээр төлөвлөж байгаа бөгөөд Иран, Афганистан, Ливи, Украйны хэд хэдэн сэдвээр ярилцах болно” гэж Францын дипломатч тайлбарлав. Нью-Йоркт НҮБ-ын Ерөнхий Ассамблейн 76 дугаар чуулган албан ёсоор нээгдсэн талаар өмнө нь мэдээлж байсан. Оролцогчид хэлэлцэх асуудал мөн ажлын хэсгүүдийн шинэ бүрэлдэхүүнийг батлах ёстой юм. Ерөнхий Ассамблейн даргын бүрэн эрхийг Мальдивын төлөөлөгч Абдулла Шахидад шилжүүлж, Волкан Бозкирыг албан тушаалаас нь огцруулав.

Эх сурвалж www.news.mn