Төв аймагт болсон газар хөдлөлт Төв, Сэлэнгэ, Дархан, Улаанбаатарт хүчтэй мэдрэгдэв

0
хуваалцах
173
үзсэн

С.САРУУЛ

Төв аймгийн Жаргалант сумаас зүүн хойд зүгт 18 км-ийн зайд 5.0 магнитудын хүчтэй газар хөдлөлт урд шөнө буюу 8-ний 00:50 цагт боллоо. Газар хөдлөлтийн чичирхийлэл Төв, Сэлэнгэ, Дархан-Уул аймаг болон Улаанбаатар хотын иргэдэд мэдрэгдсэн байна гэдгийг ОБЕГ-аас мэдээлэв. 

Газар хөдлөлтийн үед өөрийгөө болон бусдыг авран хамгаалах зөвлөмж

Хүчтэй чичиргээ ихэнхдээ нэг минут орчим үргэлжилдэг тул бат бөх ширээн дор орж, толгойгоо хамгаалах хэрэгтэй. Эсвэл жин овор ихтэй тавилга болон цонхноос аль болох хол зайтай хананд очиж суу.

Гудамжинд явж байхад тань газар барилгын тоосго, мод, цонхны шил, гэрэлтүүлгийн болон зар сурталчилгааны багана, самбар зэрэг гэмтээж болох зүйлээс хол, нээлттэй, задгай талбай олж зогс

Гадагш гарах гэж яарах хэрэггүй. Орчин тойрныг ажиглаж, тайван байх хэрэгтэй. Цахилгаан шат ашиглахыг хориглоно.

Хаалгаа онгойлгох, Хаалган дор зогсоход аюул багатайгаас гадна гадагш гарахад тустай.

Цахилгаан болон хийн зуухыг салга.

Дэлгүүр, зах, үзвэр үйлчилгээний газар олон хүнтэй орчинд хүмүүс сандралд орж үймээн, шуугиан үүсдэг тул тайван байж, тухайн байгууллагын ажилтны зөвлөгөөг дага.

Автомашинаар зорчиж яваа тохиолдолд нэн даруй зогс. Нүхэн гарцын дор, өндөр барилгын хажууд зогсож болохгүй.

Эх сурвалж: www.polit.mn