СOVID-19: Өчигдөр 45, өнөөдөр 48 хүнээс халдвар илэрлээ

0
хуваалцах
221
үзсэн

Т.САЙХАН

2021.03.02

Сүүлийн 24 цагийн  хугацаанд улсын хэмжээнд хийсэн шинжилгээний хариуг ХӨСҮТ-өөс танилцууллаа.

ХӨСҮТ-ийн албаны дарга Ж.Байгалмаа "Сүүлийн хоногт 13108 хүнд хийсэн коронавирусийн халдвар илрүүлэх шинжилгээний явцад 48 хүнд халдвар илэрсэн. Нийт батлагдсан тохиолдол 3,000 боллоо. Сүүлийн 24 цагт зөөвөрлөгдсөн тохиолдол бүртгэгдээгүй. 48 тохиолдол бүгдээрээ Улаанбаатар хотод бүртгэгдсэн. 

Шинээр илэрсэн 48 тохиолдлын 43 нь хяналтад авсан голомтод илэрсэн тохиолдлуудын ойрын хавьтлын хүмүүс, хоёр нь "Нэг хаалга-Нэг шинжилгээ" ажлын үеэр илэрсэн тохиолдлуудын хавьтал бол гурван хүний халдвар авсан эх уурхайг тогтоохоор ажиллаж байна.

Сүүлийн 24 цагт 31 хүн эдгэрч, эмнэлгээс гарлаа. Халдварын нийт тохиолдлын 76 хувь буюу 2,330 хүн эдгэрээд байна. 

Одоогоор 655 хүн эмчлэгдэж буй бөгөөд биеийн байдал нь маш хүнд нэг, хүнд есөн хүн байгаа" гэв.

Эх сурвалж:www.polit.mn