Хөдөө аж ахуйг дэмжих Ложистикийн төв удахгүй ашиглалтад орно

0
хуваалцах
245
үзсэн

Б.ОД

Улаанбаатар хотоос 50 километрийн зайд Төв аймгийн Аргалант сумын хоёр дугаар багийн нутаг дэвсгэрт “4 га” газарт байрлах Ложистикийн төвийг “Хөдөө аж ахуйн бирж” ХХК  барьсан. Хөдөө аж ахуйн гаралтай бараа, түүхий эдийн арилжааг идэвхжүүлэх, зах зээлийн нэгдсэн дэд бүтцийг сайжруулах зорилготой тус төвд ноос, ноолуурын 600 метр квадрат агуулах, мах, хүнсний 200 метр квадрат хөргүүртэй агуулах, 210 метр квадрат талбайтай оффисын байр барьж байгаа бөгөөд энэ нь дуудлага худалдаа хийх танхим, лаборатори, албан контор байх юм.

Ложистикийн төв нь Улаанбаатар хотод хөдөө аж ахуйн гаралтай бараа, түүхий эдийг бэлтгэх, чанарыг тодорхойлох /лаборатори/, тээвэрлэх, хадгалах, даатгах болон биржээр арилжих цогц үйл ажиллагааг явуулахаар төлөвлөсөн бөгөөд дараах боломж бүрдэнэ.

Үүнд:

  1. Арилжаалсан бараа, түүхий эдийг итгэмжлэгдсэн агуулахад хадгалах, ложистикийн систем болон хяналтын системээр дамжуулан биет бүтээгдэхүүний арилжааг хөнгөвчлөх,
  2. Дуудлага худалдааг тогтмол зохион байгуулах,
  3. Дотоодын үйлдвэрүүдийг арилжаанд оруулах, тэднийг дэмжих.

“Хөдөө аж ахуйн бирж” ХХК нь ложистикийн төвийн барилга барихад зориулж биржийн 2019 оны эдийн засгийн үндсэн үзүүлэлт, зорилтот түвшинд 2,000.0 сая төгрөг төсөвлөсан юм. Төрийн болон орон нутгийн өмчийн тухай хуулийн дагуу тендер зарлаж тендерт “Түшигт арга констракшн” ХХК шалгарч, тус барилгын ажлыг 1,753.24 сая төгрөгөөр гүйцэтгэхээр гэрээлж, 246.76 сая төгрөгийг хэмнэсэн.  Одоогоор тус төвийн бүтээн байгуулалтын ажил дууссан бөгөөд энэ оны хоёр дугаар улиралд багтаан ашиглалтад оруулахаар төлөвлөж байна.

Эх сурвалж:www.polit.mn