Хоолны газрууд нэг хүнд 15 минут үйлчилнэ

0
хуваалцах
635
үзсэн

Т.САЙХАН

Маргаашаас зарим үйлчилгээний байгууллагууд үйл ажиллагаагаа эхлүүлнэ.  Энэ талаар ЭМЯ-наас дараах анхааруулгыг өглөө. Ахлах шинжээч Д.Нарангэрэл "Хоолны газрууд ширээгээ 1,5-2 метрийн зайтай байрлуулах, нэг ширээнд нэг хүн суух хэрэгтэй. Хоёр хүн нэг ширээнд сууж 15 минутаас удаан хугацаанд ярьж суух нь халдвар тархах эрсдэл дагуулна. Тиймээс хоол идэж, кофе уух дээд хугацааг 15 минутаар тогтоох хэрэгтэй. Үүнээс удаан хугацаанд суулгахгүй байх, үйлчлүүлэгч хоол, кофегоо аль болох авч явж ажил дээрээ идэхийг эрмэлзээрэй. Учир нь хоолны газрууд халдвар дамжих эх уурхай болох эрсдэлтэй" гэлээ. Мөн үйлчилгээний байгууллагууд олон хүнийг зэрэг оруулж үйлчлэхгүй байх, 1,5-2 метрийн зайтай оруулж үйлчлэх, ядрах, халуурах, бөөлжих зэрэг өвчний шиж тэмдэг илэрсэн хүмүүсийг тусгаарлах өрөөнд тусгаарлахыг анхаарууллаа. 

Эх сурвалж:www.polit.mn