Ирэх даваа гаригаас хүүхдийн автобус явж эхэлнэ

0
хуваалцах
71
үзсэн

Т.САЙХАН

Нийслэлийн боловсролын газраас хоёр настай хүүхдийн цэцэрлэгийн элсэлт, сургуулийн автобустай холбоотой асуудлаар мэдээлэл хийлээ.   2020-2021 оны хичээлийн жилд төрийн болон төрийн бус өмчийн ерөнхий боловсролын сургуулийн 182 автобус хүүхдүүдэд үйлчилж байгаа билээ. 

Нийслэлийн Боловсролын газрын дарга Ж.Гантулга "31 сургуульд 40 автобусыг 35 чиглэлд 2020 оны есдүгээр сарын 21-ний өдрөөс эхлэн явуулна. Үүнтэй холбоотойгоор нэр бүхий сургуулиудад чиглэлээ өгөөд хүүхэд хамгаалагчтайгаа гэрээ хийн эцэг эхчүүд, хүүхдүүдэд мэдээлэл өгөн бэлтгэл ажлаа хангаад явж байна. Цаашид энэ ажлыг улам өргөжүүлнэ. Нийслэл хотоос 200 хүүхдийн автобус авахаар холбогдох байгууллагууд гэрээ хийх бэлтгэл ажлаа хангаж байна. Энэ жил хүүхдийн автобусны зориулалтаар эхний ээлжийн 75 автобус арваннэгдүгээр сар орчимд ирэхээр байгаа" гэдгийг хэллээ. 

Сургуулийн автобус нь хүүхэд гэр, сургуулийн хооронд аюулгүй зорчих болон Улаанбаатарын түгжрэлийг бууруулахад тодорхой үр дүн үзүүлнэ гэж үзэж байна. 

Эх сурвалж:www.polit.mn