Б.ДОЛЖИНЖАВ
ЭМЯ-наас коронавирусын тархалтын нөхцөл байдалтай холбоотой ээлжит мэдээллээ хийлээ. Манай улс өчигдөр 627 хүнд шинжилгээ хийхэд коронавирус илрээгүй. Харин өнөөдөр дөрвөн хүн эдгэрч, ХӨСҮТ-өөс гарлаа. Батлагдсан 298 тохиолдлоос 276 нь эдгэрсэн. ХӨСҮТ-д 22 хүн эмчлүүлж байна. Мөн тусгаарлан ажиглах байранд байсан жирэмсэн эх амаржиж, охинтой болжээ
Коронавирус Монголд
Наймдугаар сарын 15-ны өдөр ХӨСҮТ-ийн Вирус судлалын лаборатори болон Дархан-Уул аймаг дахь салбар лабораторт 627 хүнд шинжилгээ хийхэд халдвар илрээгүй. Тодруулбал,
- Наймдугаар сарын 1-нд Сөүл-Улаанбаатар чиглэлийн тусгай үүргийн онгоцоор ирсэн 261 хүний хүний давтан шинжилгээ
- Наймдугаар сарын 14-нд Сөүлээс ирсэн 265 хүний шинжилгээ
- Цэргийн Төв эмнэлэгт тусгаарлагдаж байгаа 25 хүний давтан шинжилгээ
- Дорноговь аймгийн Хангимандал боомтоор орж ирсэн 18 жолоочоос авсан шинжилгээ
- Алтанбулаг боомтоор ирсэн 23
- Сувиллын ажиглалтад байгаа 32
- Сэлэнгэ аймгийн нэгдсэн эмнэлэгт тусгаарлагдсан хоёр хүний шинжилгээнд коронавирусын халдвар илрээгүй.
- Дэлхийд
Сүүлийн 24 цагт 248 мянган шинэ тохиолдол бүртгэгдэж, 5152 хүн нас барлаа. Ингэснээр нийт 21.6 сая хүн халдвар авч, 768 мянган хүн нас бараад байна. АНУ-д 5.5 сая хүн, Бразилд 3.3 сая хүн, Энэтхэгт 2.5 сая хүн халдвар авлаа. Энэтхэг улсад нэг өдөр 950 хүн нас барснаар нийт нас барагсдын тоо 50 мянгад хүрлээ.
Хөрш орнуудад
- БНХАУ-д 22, Хонконг улсад 46, ОХУ-д 5061 тохиолдол шинээр бүртгэгджээ.
Эх сурвалж:www.polit.mn
