Т.САЙХАН
Г.Батхүү агсны хүү Б.Ганхөлөг АН-аас Өвөрхангай аймгийн тойрогт нэр дэвшихээр яригдаж байна. Тэрээр саяхан хандивын мөнгө, мөрийн хөтөлбөртэй холбоотой асуудлаар АН-ын дарга С.Эрдэнэтэй уулзжээ. Мөн түүнээс өмнө Б.Ганхөлөг Өвөрхангай аймгийн хэд хэдэн суманд ажиллаад ирсэн байна. Тэрээр аавынхаа улс төрийн болон Монголын Морин спорт, уяачдын холбооны ажлыг ч үргэлжлүүлэхээ мэдэгдээд байгаа юм. Түүнтэй хамт АН-аас Өвөрхангай аймгийн тойрогт Ж.Төмөрбаатар, хуульч О.Алтангэрэл нарын нэр яригдаж байна. Өнгөрсөн оны тавдугаар сарын 17-нд Төрийн ордонд зуурдаар нас барсан Г.Батхүү агсны хэргийн учиг өнөөдрийг хүртэл тайлагдаагүй байгаа билээ.
Эх сурвалж:www.polit.mn
