Х.ОЮУНБОЛД

Японы хурдны тэшүүрийн тамирчин Нао Кодайра 500 метрийн зайн уралдаанд 36.94 секундэд түрүүлснээр олимпийн шинэ амжилтыг тогтоосон байна. Ингэснээр алтан медалийн эзэн боллоо. Тэрээр  өнгөрсөн лхагва гаригт Каннын мөсөн ордонд болсон 1000 метрийн уралдаанд  өмнөх олипийн аварга Өмнөд Солонгосын тамирчин Ли Санг Хва болон Чехийн тамирчин Каролина Эрбанова нарыг ардаа орхисноор мөнгөн медаль хүртсэн юм.

ОХУ-ЫН ТАМИРЧИН СЭРГЭЭШ ХЭРЭГЛЭСЭН БАЙЖ БОЛЗОШГҮЙ

Олон улсын  олимпийн хорооноос энэ удаагийн өвлийн олимпийн наадамд сэргээштэй холбогдолтой асуудал дээр хатуу хяналт тогтоон ажиллана гэж мэдэгдсэнҮүнийгээ ч хэрэгжүүлж Японы тэшүүрийн тамирчин Кэй Сатог сэргээш хэрэглэснийг илрүүлснээр тэрээр олимпийн хотхоноос явсан билээ. Өнгөрсөн олимпод сэргээш хэрэглэсний улмаасПёнЧан-2018”-д оролцох эрхээ хасуулсан ОХУ-ын тамирчид олимпийн хорооны туган дор оролцож байгааОХУ-ын  тамирчид  энэ олимпод кёрлингийн холимог хосын төрөлд  өрсөлдөж хүрэл медаль хүртсэнКёрлингийн тамирчин Александр Крушельницкий сэргээш хэрэглэснийг нь илрүүлэх шинжилгээнд бүдэрсэн талаар тус улсын хэвлэл мэдээллийнхэн мэдээлжээ. Түүнд хийсэн эхний  шинжилгээгээр 2016 оноос сэргээшийн төрлийн жагсаалтад оруулсан мелдониум хэмээх бэлдмэл илэрсэн гэж тэд онцолсон байна.   Тамирчинг  сэргээш хэрэглэсэн талаарх эцсийн хариу энэ сарын 19-нд эцсийн байдлаар гарах ёстой ажээХарин Александр Крушельницкий энэ талаар тайлбар өгөхөөс татгалзсан байнаПёнЧанд байгаа ОХУ-ын төлөөлөгчид олон улсын олимпийн хорооноос тэдний нэг тамирчин сэргээш хэрэглэхгүй байх гэсэн дүрмийг зөрчсөн байж болзошгүй  хэмээн мэдээлжээ.

АКРОБАТЫН ЦАНЫН УРАЛДААНД АЛЕКСАНДР АБРАМЕНКО ТҮРҮҮЛЭВ

ПёнЧан хот дахь  уулын цанын бааз Феникс паркт болсон акробатын цанын уралдаанд   Украйны тамирчин Александр Абраменко 128.51 оноогоор түрүүлж алтан медаль хүртэж, олимпийн шинэ аварга болсон байна. Түүний араасСочи 2014” өвлийн олимпийн акробатын цанын аварга БНХАУ-ын тамирчин Цзя Цзунъян 128.05, ОХУ-ын тамирчин Илья Буров 122.17 оноогоор удаалжээ.   Александр Абраменко нь  2015-2016 оны дэлхийн аваргын цомын агаарын гимнастикийн аварга болсонТэрээр өвдгөндөө хүнд гэмтэл авсны улмаас тэмцээнд оролцохоо больсон бөгөөд өнгөрсөн жилийн дөрөвдүгээр сард буцаж ирсэн. Үүнээс хойш арван сарын дараа  “ПёнЧан 2018”-д оролцож түрүүлээд байгаа нь энэ юм.

Эх сурвалж: "Зууны мэдээ" сонин