Б.ДОЛЖИНЖАВ

Цар тахал анх дэгдсэнээс хойш өнгөрсөн долоо хоногт дэлхий даяар хамгийн олон хүн халдвар авчээ. Тухайлбал, долоо хоногийн хугацаанд дөрвөн сая гаруй хүн халдвар авч, 67 мянган хүн нас барсан гэж ДЭМБ мэдээллэв. Үүний 1.7 сая тохиолдол, 32600 нас баралт нь Европын орнуудад, 1.6 сая тохиолдол, 22 мянган нас баралт нь Хойд Болон Өмнөд Америкт бүртгэгдсэн байна. Зүүн Өмнөд Азид 351 мянган хүн халдвар авч, 4700 хүн нас баржээ. Харин Африк тивийн халдварын тоо 15 хувиар, нас баралт 30 хувиар өсчээ.

Зөвхөн Америк улсад 1.1 сая хүн, Энэтхэгт 281 мянга, Италид 236 мянга, Бразилд 209 мянга, Францад 171 мянга, ОХУ-д 163 мянган хүн өнгөрөгч долоо хоногт халдвар авчээ. Европ, Зүүн Өмнөд Азид тархалт буурах хандлагатай байгаа бол Хойд болон Өмнөд Америкт шинэ тохиолдол болон нас баралтын тоо өсөх хандлагатай байна.

Эх сурвалж:Tass