Х.ОЮУНБОЛД

“Уолт Дисней” компанийн хөрөнгийг залгамжлагч Абигайл Дисней тус компаниас 100 мянган ажилчныхаа цалинг бууруулах шийдвэр гаргасныг шүүмжилжээ.  “Файнэншл Таймс” сонинд энэ компани нь өнгөрсөн сард зочид буудал, дэлгүүр, паркийг хаах хэрэгтэй болсноос ажилчдынхаа бараг хагасыг цалингүй амралт авахыг албадсан гэж бичсэн байна. Харин ерөнхий захирлын орлого 1.5 сая ам.доллар болж өссөн аж. Тиймээс “Уолт Дисней” компанийн ерөнхий захирал Боб Айгер, Боб Чапек нарын орлого нь ногдол ашгийн урамшууллын системээс ордог ч цалингийнхаа гурав болон 2.5 сая ам.долларыг авахгүй гэж мэдэгджээ. Абигайл Дисней твиттерээс энэ талаар мэдсэнээр компаниас гаргасан шийдвэрт дургүйцэж байгаагаа илэрхийлсэн байна. Тэрээр мэдэгдэлдээ өмнө нь дурдсан ногдол ашгаар үүссэн нөхцөл байдлын улмаас хохирсон ажилчдын гурван сарын цалинг төлөх байсан гэж онцолжээ.

“Дисней” компани удирдлагуудынхаа ихэнх нөхөн олговрыг танилцуулсан нөхөн олговор олгох төлөвлөгөөгөө хамгаалсан гэж бичсэн байна. Түүнээс гадна компанийн гүйцэтгэх захирал Боб Айгер 2018 онд 65.6 сая ам.доллар, өнгөрсөн жил 47 сая ам.долларын цалин авсан. Сүүлчийн ногдол ашиг нь энэ компанийн ажилчдын дундаж орлого 52 мянга гаруй ам.доллараас 900 дахин их байна гэв. Абигайл Дисней “Компани хэдэн жил бэрхшээлтэй тулгарч байгааг хүлээн зөвшөөрчээ. Гэхдээ компанийн удирдлагын зүгээс дээрэм, хулгай хийхийг үргэлжлүүлэхийг зөвшөөрнө гэсэн үг биш” гэж мэдэгдсэн байна. Түүнээс гадна компанийн удирдлагуудад тэдний цалин дундаж орлоготой ажилчдынх нь цалингаас их байгаа талаар асуусан аж. Тэрээр “Үүнд ямар хүн дуртай байх вэ” гэж хэлсэн байна.

Эх сурвалж www.polit.mn